Mwanaume mwenye umri wa miaka 25, Athmani Juma, amehukumiwa kifungo cha maisha gerezani baada ya kupatikana na hatia ya kumnajisi mtoto wa miaka saba katika kijiji cha Vilalani, Kaunti ya Kwale.

Hukumu hiyo ilitolewa na Hakimu Leah Wandia Kabaria katika Mahakama ya Msambweni, kufuatia ushahidi uliowasilishwa wakati wa kusikilizwa kwa kesi hiyo.

Mahakama ilibaini kuwa kosa hilo lilitendeka Juni 7, 2025, ambapo mshtakiwa alimpata mtoto huyo na kumwingilia kinyume na maumbile.

Kesi hiyo inasisitiza umuhimu wa kulinda watoto dhidi ya ukatili wa kingono na kuwawajibisha wahalifu kwa mujibu wa sheria.