Polisi wamemkamata mshukiwa mmoja wa wizi wa pikipiki katika eneo la Mwabungo, kaunti ya Kwale, na kurejesha pikipiki iliyoibwa katika eneo la Neptune, Diani.

Kwa mujibu wa ripoti ya polisi, pikipiki hiyo ilikuwa tayari imetenganishwa vipande na kufichwa kwenye dari ya nyumba moja katika eneo la Mwabungo ilipopatikana.

Pikipiki hiyo aina ya Haojin Hawk, yenye nambari ya usajili KMFJ 189K, ilikuwa imeibwa katika eneo la maegesho.

Mshukiwa, Mohammed Athuman Mwaruphia

Mshukiwa, Mohammed Athuman Mwaruphia, mwenye umri wa miaka 22, alikamatwa baada ya polisi kupata taarifa kutoka kwa wananchi zilizowaelekeza katika nyumba ambako pikipiki hiyo ilikuwa imefichwa.

Mshukiwa anazuiliwa katika kituo cha polisi cha Diani akisubiri kufikishwa mahakamani kuhusiana na wizi huo.